السلام عليكم
يبي يستغرب بعضكم من عنوان الموضوع ولكن هذي هي الحقيقة التي كنت انا شاهد عليها بنفسي
هذا طال عمركم في يوم من ايام الشتا البارده قررنا انا وثنين من خوياي نطلع كشته للبر بعد ما ضقنا من المدن الحضارية وضقنا من جدرانها وواحد من خوياي الاثنين هذولا عنده مشاكل عائلية والمشكلة ان زوجته دايما
…………….
كأني دخلت بموضوع ثاني الله يجزاكم خير كل ما شفتوني ادخل بموضوع ثاني نبهوني هذا عيب فيني
ما علينا الوكاد
قررنا انا وخوياي نطلع للصمان وبالفعل وصلنا ونزلنا عدتنا وشبينا ضونا وقمنا ندورها قهوة وشاهي وكل واحد فينا يسولف الين خلصت سوالفنا وقمنا نكذب على بعض
الوكاد
وحنا نكسر بهسوالف لمحت من بعيد ان في سيارة من نوع جيب شروكي واقعه في الصبخه والطين مغرقها فدبت فيني الشهامه والنخوه وقلت يا الربع ما يبلها كلام الفزعه خلونا نقوم نساعد الناس وطرى علي بيت للشاعر الكبير ما يحضرني الحين لاهو ولا بيته
الوكاد
وصلنا للسيارة الطايحه الا شفنا لنا شوفه غريبة عجيبه
……..
الا ذيك البنت الي نازله من السيارة والطين واصل لحد ركبتها ولحالها ما معها احد
يومنا قربنا منها قلنا كلنا وفي وقت واحد عسى ما شر
سمعنا صوت رجولي يدل على بلوغ صاحبه 19 مره قريب نوعا ما الى صوت المطرب جورج وسوف يقول لا والله ما من شر بس موتري واقع بالطين مثل ما انتم شايفين
!!!!!!!
استغربنا وبانت على وجيهنا علامات الاستغراب وقمنا ندور ونبحث عن مصدر الصوت الا ان اكتشفنا ان مصدر الصوت هو الفتاة الانثوية الي قدامنا
وتبين لي انا لأن خوياي دبش ولا يفتهمون شي ان الي قدامي ما هي الا وانتم بكرامه والله يعز المجلس والمدونة والكيبورد ودقمة الانتر والدلال من الي يسمون نفسهم جنس ثالث
الوكاد قلنا خلينا نطلع ذا العله والاجر على الله المهم قلت لربعي الله لايهينكم نسموا على الكفرات وبما اني خبير تطعيس سابق قدرت وبعون الله اطلع الموتر من الصبخه الي هو فيها
لكن وانا بسيارة يا اخوان شفت لي شيي غريب كانت الاشرطة معضمها حق بشير حمد شنان وفهد السعيد وشريطيين قلطة محاوره وشريط كسرات لونه اخضر
!!!!!!!!!!!
قلت عادي يجوز
الوكاد جاني الي ما يتسمى هذا وقام يتشكر فيني قلت انزح وراك وانجلع انت وفرتك وقبل لا يمشي قلت تعال تعال
وانا اقول تعال كانت نظرت خوياي لي نظرة حقيرة وقذرة بنفس الوقت الله يلعنك يا سوء الظن
الوكاد ناديته وقلت له لعنبوك وش الي جابك هنا قال انا جاي حق
كان المكان غريب وعجيب ما كانه مستشفى المهم قال الجنس حق شبيه جحدر الي اكتشفنا انه حارس المكان المدير موجود؟؟
جوابه الحارسو قال ايه موجود
وتركنا الحارس ومشى قال الجنس حياكم حياكم
الوكاد
دخل الجنس على مكتب المدير العالم للمستشفى ونتظرناه في الخارج بعد خمس دقايق طلع الجنس وقال حياكم ادخلوا يا الربع المدير منتظركم قلنا ماشي دخلنا حنا الثلاثة على المدير والجنس مشى دخلنا وسلمنا على المدير الي وجهه على قولة المصريين يقطع الخميره من البيت
قال احب اعرفكم بنفسي انا اخوكم ظلام الليل المدير العام للمستشفى هذا الي الى الان قد عالج اكثر من 1000 حالة من الجنس الثالث
قلت له طيب يا استاذ كلام الليل
قال ظلام الليل لو سمحت
قلت طيب طيب ولا تزعل ظلام الليل ظلام الليل مثل ما تحب المستشفى هذا كم صاره يعني من متى وهو موجود؟؟
قال اووووووه من سنة 1876م قلت خيل البل من 1876
قال اي نعم وقد اسسه فالح بن مهاوش بعد ما تعب من الجنوس الي انتشورا في وقته فقام بتأسيس هذا المستشفى ومثل ما انتم شايفين المستشفى ماشي عال العال ويعالج البشر والحيوانات
قلت الحيوانات بعد!!! وشلون؟؟؟
قال مثل مافي بشر شاذين بعد في حيوانات شاذين قلت يا ولد غير بدل وشلون حيوان وشاذ لا تقوم تسرد علينا قال صبر صبر وبخليك تشوف بعينك ويقوم ويطلع لنا صورتين وقال شوف بنفسك وتأكد
قلت لا الله الا الله طيب يا اخ حمام الليل
قال عفوا ظلام الليل
قلت طيب طيب يا ظلام الليل انتوا وشلون تعالجون هذوله الي ما يتسمون قال حنا عندنا فريق متكامل لعلاج الشاذين هذوله تعال معي اوريك اياهم
قلت طيب تفضل طال عمرك
(طافم المستشفى
)
